29 қазанда Алматыда System Group Kazakhstan ұйымдастырған UPDATE 2026 серіктестік конференциясы өтті. Биыл іс-шараға 100-ден астам қатысушы — бизнес өкілдері, IT-мамандары, серіктестер және технологиялар нарығының сарапшылары жиналды.
Конференция бағдарламасы өте мазмұнды болды: бизнесті және IT-инфрақұрылымды дамыту, жасанды интеллект, логистиканы автоматтандыру, заманауи желілік шешімдер және бөлшек саудаға арналған технологиялар талқыланды.
Конференция модераторы SG Kazakhstan бас директоры Андрей Федчук болды.
Спикерлеріміз бен серіктестерімізге кәсіби тәжірибелерімен бөлісіп, мазмұнды баяндамалар жасағаны үшін алғыс білдіреміз:
Светлана Власова | SG Kazakhstan
«Көрінбейтін тәуекелдерсіз бизнес: нарық қалай өзгеруде және неге дайын болу керек»
Нарықтың қалай өзгеріп жатқанын, бизнес алдында қандай жаңа сын-қатерлер туындайтынын және бүгінгі таңда өзгерістерді алдын ала байқап, оларға дайын болудың неліктен маңызды екенін талқыладық.
Медет Ауенур | Zebra
«Zebra AI Solutions»
Zebra шешімдеріндегі жасанды интеллект мүмкіндіктеріне және заманауи технологиялардың жұмыс процестерін автоматтандыруға, деректермен тиімдірек жұмыс істеуге қалай көмектесетініне ерекше назар аударылды.
Дмитрий Вуколов | HP
«HP Retail and Industry Solutions: From Devices to Experience»
Бөлшек сауда мен өнеркәсіпке арналған HP шешімдерін талқыладық — жеке құрылғылардан бастап, бизнестің тиімділігіне ғана емес, пайдаланушы тәжірибесіне де әсер ететін біртұтас технологиялық ортаны қалыптастыруға дейінгі мәселелер қарастырылды.
Даниил Кириллов | Cisco
«Retail индустриясында Cisco SD-WAN архитектурасын қолдану»
Бөлшек сауда саласында Cisco SD-WAN архитектурасын қолдану және инфрақұрылымы әртүрлі аумақтарға таралған компаниялар үшін заманауи желілік шешімдердің мүмкіндіктері қарастырылды.
Дамир Янбеков | Axelot
«Логистика бәсекелестік артықшылық ретінде: бизнес-міндеттен цифрлық шешімге дейін»
Логистиканы автоматтандыруды қалай дұрыс ұйымдастыру керектігін талқыладық — нақты бизнес-міндетті анықтаудан бастап, цифрлық шешімді таңдау мен енгізуге дейінгі кезеңдер қарастырылды.
Дарья Кайгородова | Microsoft
«Бақылаудағы ЖИ: Microsoft инфрақұрылымындағы деректерге қол жеткізу және агенттердің әрекеттері»
Бүгінгі күннің ең өзекті мәселелерінің бірі талқыланды — Microsoft экожүйесінде деректерге қол жеткізуді және агенттердің әрекеттерін бақылауда сақтай отырып, корпоративтік инфрақұрылымда жасанды интеллект агенттерін қалай пайдалану керектігі қарастырылды.
Іскерлік бағдарлама аяқталғаннан кейін қатысушыларды Quiz зияткерлік ойыны күтіп тұрды, ал күн гала-кешкі аспен және бейресми қарым-қатынаспен аяқталды.
Zebra, HP, Cisco, Axelot және Microsoft компанияларына серіктестігі, жоғары кәсіби сараптамасы және UPDATE 2026 бағдарламасына қосқан үлесі үшін алғыс білдіреміз.
Әрине, осы күнді бізбен бірге өткізген 100-ден астам қонағымыздың әрқайсысына ерекше рақмет айтамыз. Біз үшін UPDATE — бұл тек баяндамалар мен технологиялар ғана емес, сонымен қатар жүзбе-жүз кездесуге, тәжірибе алмасуға, бизнестің нақты міндеттерін талқылауға және бірлескен жобалар үшін жаңа идеялар табуға мүмкіндік.
Бізбен бірге болғандарыңызға рақмет! Келесі UPDATE конференциясында кездескенше!